Himneskt kínóa, fylltar kjúklingabringur og stökkt grillað meðlæti

9. mars 2018

Heimskokkurinn Jamie Oliver gefur mér hugmyndir að góðum og hollum réttum sem tekur ekki langan tíma og allir ættu að geta gert 

Ég elska að prufa nýjar uppskriftir í eldhúsinu. Fæ hugmyndir frá netinu, sjónvarpsþáttum eins og Jamie Oliver, get sokkið mér í sófann og horft tímunum saman á matreiðsluþætti og fengið allskyns hugmyndir hvernig ég myndi gera réttinn að mínum. Ég myndi segja að mín hugleiðsla og ró er í eldhúsinu, fá að njóta mín þar ein, prufa mig áfram og nostra við matinn þangað til ég set hann fallega á borð. Þar sem vinnutíminn minn er sveigjanlegur hef ég oft tíma inn á milli til að fara heim og undirbúa kvöldmatinn. 

Í vikunni horfði ég á vin minn Jamie Oliver og fékk hugmynd að girnilegu kínóa með spínati og basiliku sem ég gerði svo að mínu. Ofan á kínóað gerði ég fylltar kjúklingabringur með dásamlegri fyllingu sem ég bjó til úr hráefnum sem voru til í ísskápnum heima sem bragðaðist og heppnaðist líka svona vel. Mig langar að deila með ykkur uppskriftinni hér eftir að ég fékk margar fyrirspurnir um réttinn þegar ég setti hann í Instagram story, en þar er ég dugleg að deila allskonar fróðleik.

Unnamed-5

Kínóað tekur lengsta tímann

  • 1/4 poki spínat
  • 1/4 blómkálshaus
  • Handfylli basilika 
  • 1 msk Olivu Olía 
  • Öllu blandað saman í matvinnsluvél eða blender
  • 1 bolli kínóa 
  • 2 bollar heitt vatn 
  • 1 grænmetisteningur 

Sett út í blönduna, hrært rólega við með sleif, lok sett á og látið standa í um 10 mín

Meðan kínóað eldast gerði ég fyllinguna í bringurnar sem var

  • 1 bakki sveppir
  • 1/4 dós af hökkuðum tómatbasil tómötum 
  • 1-2 msk tamari 
  • Pipar + rósmarín

Látið malla í um 10 mín. Kælið blönduna svo áður en þið maukið saman með töfrasprota til að þykkja fyllinguna 

  • Bringur skornar til helminga
  • Fletjaðar vel út með kefli eða matreiðslu hamri 
  • Fylling sett á annan endan, rúllað saman eða sett saman í samloku og ofan í fat

Meðlæti

  • 1/4 haus blómkál skorið gróft
  • 1 kúrbítur skorinn í ræmur
    Kryddað  upp úr Olivu Olíu, Rósmarín, Chillý kryddi og grænmetissalti

     

    Tamari hvílauks sósa til hliðar

  • 3-4 dl Létt ab mjólk 
  • 1 msk tamari sósa
  • 3 hvílauksrif pressuð
  • handfylli basilika smátt skorin
  • sítrónusafi
  • pipar 

    Gefið ykkur tíma í að útbúa góðan og hollan rétt fyrir þig og þína um helgina eða í vikunni 

    Njótið vel 
    Karitas Óskars