9. febrúar 2018 : Ebba Guðný: Himneskar vatnsdeigsbollur

Himneskar vatnsdeigsbollur sem er fullkomið að baka fyrir bolludaginn! Hægt er að toppa þær bæði með súkkulaðiglassúr og einnig ekta súkkulaði. Það er svo auðvitað hægt að skreyta þær sem því sem gleður augað og er ljúffengt. 

31. janúar 2018 : Hummus hafrakex

Heil og sæl! Ég leita mikið að hveitilausum uppskriftum á netinu en finnst líka gaman að prófa mig sjálf áfram í hveitilausum bakstri og eldamennsku en í vikunni tókst mér einmitt að gera gómsæta brownie og ég notaði ekkert hveiti! Ég finn alltaf skemmtilegar uppskriftir inn á Youtube og verð að segja ykkur frá einni Youtube-rás sem að ég gjörsamlega dýrka en hún heitir Mind Over Munch og það er frábær kona sem að heldur uppi rásinni. Hún deilir hollum, auðveldum og fjölbreyttum uppskriftum og gerir líka kennslumyndbönd en hún heldur einnig uppi heimasíðu sem heitir það sama. Ég rakst á skemmtilega uppskrift frá henni sem að ég prófaði sjálf og vildi endilega deila henni með ykkur en maður þarf bara tvö hráefni: hummus og hafrahveiti! 

29. janúar 2018 : Hrákökubrownie með heimalöguðu súkkulaðikremi

Heil og sæl! Frá því að ég man eftir mér hef ég verið algjör ofnæmispési og ég mátti aldrei borða neinar kökur í afmælum því það var alltaf egg eða hveiti í þeim eða bæði og þá fékk ég ofnæmi sem lýsti sér aðallega í skelfilegum útbrotum út um allan líkamann... ég vildi forðast það þannig ég borðaði sjaldan kökur. Á undanförnum árum hef ég mikið verið að prófa mig áfram í hveiti- og eggjalausum kökum og ég ætla að deila með ykkur uppskrift af gómsætri hrákökubrownie með heimalöguðu súkkulaðikremi! Nei, sko ég er ekki að grínast þegar að ég segi að þetta er án efa besta kaka sem að ég hef smakkað en hún er hveitilaus, mjólkurlaus, án viðbætts sykurs og eggjalaus! Ég hef rekist á margar mismunandi uppskriftir af hrákökubrownie á netinu en ég vildi búa til uppskrift úr auðveldum, aðgengilegum og fáum hráefnum sem flestir eiga til heima hjá sér. 

29. janúar 2018 : Sykurlaus áskorun: Slepptu sykri í 14 daga

Hráfæðiskokkurinn Júlía Magnúsdóttir elskar fátt meira en að vera í eldhúsinu og hefur hjálpað einstaklingum að öðlast sátt í eigin skinni með heilbirgðum lífstíl síðustu ár. Hún starfar sem heilsumarkþjálfi og næringar- og lífstílsráðgjafi hjá fyrirtæki sínu Lifðu til fulls. 

22. janúar 2018 : Asta Eats mælir með: Whole Foods + innkaupalisti

Heil og sæl! Ég skrapp til Mississauga í Kanada um helgina og ákvað að nýta tækifærið og fara í búð sem mér hefur lengi dreymt um að heimsækja en hún er ekki á Íslandi ... Whole Foods! Whole Foods er bandarísk keðja sem einblínir á að selja einungis góðan og náttúrlegan mat, þ.e. án transfitu (einnig kölluð hert fita) og án allra auka- og rotvarnarefna. Þá er einnig hægt að finna frábært magn af lífrænum mat og alls konar skemmtilegum vörum. Hægt er að setjast niður og borða á staðnum líka en inn í búðinni sjálfri er hálfgerður veitingastaður. Whole Foods var algjört ævintýri en það er hægt að finna allt þarna, virkilega! Það var glæsilegt kjötborð, fiskborð, ostaborð, bakarí sem meðal annars seldi vegan bakkelsi og kökur. Svo rakst ég á stærsta salatbar sem að ég hef séð! Ég tók nokkrar myndir sem að ég vildi deila með ykkur og vona að þið hafið gaman af þeim!

11. janúar 2018 : RVKfit: LOHILO ís smakk

Hver er ekki til í að smakka hollan ís? Við stelpurnar fengum nú á dögunum að smakka nýjan ís sem var að koma á markað hér á landi. Ísinn heitir LOHILO og er próteinís sem er lár í fitu, kolvetnum og sykri. LOHILO stendur fyrir LO carb HI protein LO fat. Það kom verulega á óvart hvað próteinísinn bragðaðist alveg eins og venjulegur ís og sló heldur betur í gegn. 

9. janúar 2018 : H Magasín 1 árs

H tíð! H Magasín fagnar 1 árs afmæli sínu í dag og því ber að fagna. Okkur langar að þakka fyrir lesturinn og samfylgdina fyrsta árið okkar og hlökkum mikið til framhaldsins. Við tókum saman vinsælustu greinarnar yfir árið, það er gaman að sjá hvað mikið hefur gerst síðan H Magasín fór í loftið og því vel við hæfi að rifja upp gamlar greinar. 

31. desember 2017 : Asta Eats: Áramótaheit

Heil og sæl! Nú fer einu öðru ári að ljúka og nýtt ár tekur við. Það eru margir sem að hugsa að nýtt ár þýðir nýtt upphaf og mér finnst mikið til í því. Á nýju ári ætla ég að vera jákvæðari, prófa hluti sem eru út fyrir þægindarammann minn, lesa fleiri bækur, horfa minna á sjónvarpið og síðast en ekki síst ... komast í betra form en ég glími við slæman astma og vill vinna úr honum. Vinsælasta áramótaheitið er án efa að komast í betra form hvort sem það er að hreyfa sig meira, grenna sig eða byrja að borða hollari mat. Þó að þetta er frábær leið til að byrja nýja árið þá finnst mér mikilvægt að vera ekki of kröfuharður í sinn eigin garð heldur að byrja bara rólega og vinna sig svo upp. Það er mikilvægt að muna að maður sér ekki alltaf árangur strax heldur getur það tekið sinn tíma þannig ekki gefast upp því góðir hlutir gerast hægt! Ég ætla að deila með ykkur mínum uppáhalds Youtube-stjörnum sem hafa hjálpað mér í gegnum mitt ferðalag að hollari lífstíl og mun vonandi hjálpa ykkur líka!

26. desember 2017 : Guacamole

Heil og sæl! Þeir sem þekkja mig vita að ég er hinn mesti avocado-aðdáandi en ég reyni að troða avocado í gjörsamlega allt sem að ég borða og ég mæli með að þú gerir það líka. Þú getur til dæmis prófað þessar avocado kókoskúlur

Avocado, eða lárpera á íslensku, er næringarríkur ávöxtur og inniheldur meiri fitu en aðrir ávextir en ekki láta það hræða þig því þessi fita er holl og góð fyrir þig. Avocado inniheldur ekkert kólesteról en hefur þó áhrif á kólesterólmagn líkamans. Ávöxturinn er stútfullur af einómettuðum fitusýrum sem lækka magn LDL kólesterólsins, kallað "vonda kólesterólið“, og hækkar magn HDL kólesterólsins, kallað "góða kólesterólið, og stuðlar þannig að heilbrigðu hjarta- og æðakerfi. Þar að auki inniheldur avocado mikið magn af trefjum ásamt steinefnunum kalíum og magnesíum sem bæði eru þekkt fyrir að halda blóðþrýstingnum í jafnvægi. Uppskriftin sem að ég deili með ykkur í dag geri ég oft, oft, oft á mínu heimili en það er heimalagað guacamole eða lárperumauk. Ég mæli sérstaklega með að kaupa avocado í Costco en þeir eru hrikalega góðir þar!

Hafra-klattar

18. desember 2017 : Ásdís Grasa: Hollari jólabakstur

Hver vill ekki njóta hollara sætinda um jólin? Ég er algjör sælkeri fram í fingurgóma og veit fátt betra en gott súkkulaði og reyni gjarnan að hollustuvæða uppskriftir því mig langar til að geta notið þess að fá mér sætindi reglulega á góðum degi án þess að það komi niður á heilsunni. Ég vanda því valið og nota alltaf gott hráefni sem mér líður vel af en kemur ekki niður á bragði né gæðum sætindanna. Mig langar því að deila með ykkur tveimur uppskriftum sem ég nota töluvert en þessar smákökur geri ég fyrir hver einustu jól og þær rjúka út á mínu heimili og ég þarf stundum að fela þær svo klárist ekki strax. Bollakökuna er svo hægt að nota sem smartan eftirrétt eða með kaffinu á aðventunni til að gera sér glaðan dag enda tekur það ekki nema 1 mínutu að græja hana! 

Síða 1 af 15