Heimalöguð chia sulta

4. ágúst 2017

Heil og sæl! Ég hef ofboðslega gaman af því að prófa mig áfram í eldhúsinu og það er sérstaklega skemmtilegt þegar að útkoman kemur vel út. Jú jú stundum gleymi ég að setja lokið á blandarann og allt fer út um allt en svona hlutir gerast í tilraunum. Nýjasta tilraunin í eldhúsinu mínu er heimalöguð sulta aðeins gerð úr ferskum berjum, agave sírópi og chia fræjum. Þessi uppskrift er auðveld, fljótleg og algjört nammi! Ég mæli með að setja sultuna á hafragrautinn, chiagrautinn, á ristað brauð eða maður getur gert þessa klassísku samloku með hnetusmjöri og sultu. Maður getur jafnvel tekið sultuna með sér í bíó! Hver man ekki eftir því þegar maður var krakki að mamma skutlaði manni í bíó með krukku af sultu og skeið með? 

Innihald:

 

  • 2 dl fersk bláber
  • 2 dl fersk jarðaber 
  • 2 msk ljóst agave síróp frá Himneskri Hollustu 
  • 2 msk chia fræ frá Himneskri Hollustu 

 

Aðferð

Blandið berjunum og agave sírópinu saman í matvinnsluvél þar til berin eru orðin að þunnu mauki. Næst skal bæta chia fræjunum út á og blanda þeim vel saman við berjamaukið. Setjið berjamaukið í glerkrukku, lokið krukkunni og inn í ísskáp í a.m.k. 2 klukkustundir til að leyfa sultunni að þykkna. Klárið sultuna á 7-10 dögum og geymið hana alltaf inn í ísskáp ef þið eruð ekki að borða hana. 

 

Astachiasultaoghnetusmjor

Astachiasultachiagrautur

Ef þið viljið fylgjast betur með mér getið þið fylgt mér á Instagram eða bætt mér við á Snapchat en ég er undir nafninu astaeats

Njótið vel og góða helgi. Þangað til næst, verið heil og sæl! 


Höfundur: Asta Eats