Heimalagað súkkulaðigranóla

7. mars 2018

Heil og sæl! Það er komið svolítið síðan að ég gerði mér heimalagað granóla og mér var farið að langa í eitthvað crunchy og sætt en ekki óhollt sem að ég get nartað í til að slá á sykurþörfina. Mér fannst því tilvalið að skella í súkkulaðigranóla og nota nýju sætuna frá Good Good Brand, Sweet Like Syrup. Sætan er síróp með hlynsírópsbragði og mér finnst hún fullkomin í bakstur! Sírópið er trefjaríkt og hentar vel fyrir þá sem vilja neyta minna af sykri. Ég nota bæði sírópið og fljótandi kókosolíu og heilan helling af höfrum, fræjum og kókosmjöli svo rista ég granólablönduna í ofninum - það er ekkert mál! Ég sker svo niður döðlur og strái yfir en ég nota döðlur mikið, sérstaklega í bakstur fyrir náttúrulega sætu. Mér finnst alveg frábært að narta í þetta gómsæta súkkulaðigranóla eitt og sér en það er hægt að setja það út á grautinn, jógúrtið eða smoothie-skálina. Þessi uppskrift er trefjarík, crunchy og gómsæt, þú verður að prófa! 

Innihald: 

Þurrefni:

3 dl tröllahafrar frá Himneskri Hollustu

1 dl möndlur frá Himneskri Hollustu (hakkaðar niður, ef vill)

1/2 dl graskersfræ frá Himneskri Hollustu

1/2 dl hampfræ frá Himneskri Hollustu

1/2 kókosmjöl frá Himneskri Hollustu

2 msk af kakó frá Himneskri Hollustu

5 döðlur frá Himneskri Hollustu (niðurskornar)

Blautefni:

1 dl af Sweet Like Syrup sætu frá Good Good Brand

1/2 - 1 dl af fljótandi kókosolíu frá Himneskri Hollustu

_MG_6868

Aðferð: 

Byrjið á því að setja hafrana, möndlurnar, fræin og kókosmjölið í stóra skál og hrærið því saman. 

Ég set döðlurnar eftir að ég er búin að rista granólablönduna í ofninum.

Næst skal setja kakóið og bæta sætunni og kókosolíunni út á og blanda öllu vel saman. Mér þykir best að blanda þessu saman með sleikju. 

Leggið granólablönduna á plötu með bökunarpappír og dreifið vel úr blöndunni yfir plötuna. Við viljum þunnt lag, ekki þykkt.

 Setjið granólablönduna inn í ofn á 150°C og ristið í um það bil 40 mínútur en hrærið í granólablöndunni á 10-15 mínútna fresti. Þetta kemur í veg fyrir að hún brennur og einnig ristast granólablandan jafnt. Ég einfaldlega tek plötuna úr ofninum og loka honum svo hitinn sleppi ekki út. Svo hræri ég þessu vel saman með sleikju og set aftur inn í ofn og endurtek þetta þar til granólablandan er búin að vera í 40 mínútur í ofninum.

Þegar búið er að rista granólablönduna skal taka hana úr ofninum og bæta döðlum við. Leyfið blöndunni svo að kólna en við kælingu þá harðnar granóla og verður meira “crunchy”. Algjört nammi! Geymið í loftþéttu íláti í allt að viku. 

Ef þið viljið fylgjast betur með mér getið þið fylgt mér á Instagram eða bætt mér við á Snapchat en ég er undir nafninu astaeats

Þangað til næst, verið heil og sæl! 

 

Þessi færsla er unnin í samstarfi við Himneska Hollustu og Good Good Brand

Höfundur: Asta Eats