8. desember 2017 : RVKfit: Hressandi haustsúpa

Hver elskar ekki að fá sér góða súpu í kuldanum? Súpur eru alltaf svo góðar og ljúft er að gera svolítið magn af þeim því þá á maður alltaf. Oft finnst mér þær jafnvel bragðbetri daginn eftir. Til þess að auðvelda mér eldamennskuna geri ég oft súpuna kvöldið áður, þá þarf ég ekki annað en að hita súpuna og eiga gott brauð með. Matartíminn verður ekki einfaldari.. Þessi súpa er svo góð að ég gæti borðað endalaust af henni.

3. október 2017 : Acai smoothie skál

Hvað sem klukkan slær – það er alltaf tími fyrir smoothie skál!
Ég er vægast sagt mikill aðdáandi smoothie skála en ég fór að prófa mig áfram í að búa til svona skálar eftir að ég sá mikið um þær á samfélagsmiðlum. Ég var komin með leið á því að búa mér til sama smoothie-inn og drekka hann með röri og datt í hug að gera frekar smoothie skál. Þar sem ég ferðast mikið erlendis er ég orðin fastagestur á mörgum veitingastöðum sem bjóða upp á smoothie skálar og hef prófað mjög margar útgáfur af þeim. Þó finnst mér langbest að búa til skálina heima og mixa hvað það sem mig langar í hverju sinni. Mér finnst best að gera smoothie-inn frekar þykkann og skreyta með ávöxtum, granóla, möndlum, kókosflögum, chiafræjum, kakónibbum og jafnvel hnetusmjöri. Ég ætla deila með ykkur uppskrift af þeirri smoothie skál sem er í mestu uppáhaldi hjá mér þessa dagana.

26. júní 2017 : RVKfit: Avocado&melónu smoothie

Hversu hressandi er það að fá sér góðan smoothie á sólríkum degi. Ég er mikill avocado unnandi og finnst frábært að bæta því ofan í hristinginn minn á morgnana en avocado er bæði hollt og mettandi. Melónan bragðbætir og gerir hristinginn sætari ásamt hunanginu. Það er svo vel hægt að bæta við t.d chia fræjum eða próteindufti eftir smekk. Þessi slær í gegn fyrir alla aldurshópa. 

4. júní 2017 : RVKfit: Ferskur grænn drykkur

Hollur og góður grænn drykkur verður oft fyrir valinu hjá okkur enda stútfullur af orku og góðri næringu. Birgitta Líf deilir hér með okkur sínum uppáhalds græna drykk sem er virkilega frískandi og góður.

30. maí 2017 : Kókoshveiti brauðstangir

Hvítt hveiti er eitthvað sem ég reyni að forðast sem mest. Mér líður yfirleitt ekki vel af því og reyni því að baka frekar úr öðrum hráefnum, svo sem kókoshveiti.  Kókoshveiti er búið til úr þurrkuðum kókos sem búið er að mala. Það er bæði trefjaríkt, glútenlaust og lágt í kolvetnum og hentar því þeim sem eru á lágkolvetnafæði.  Uppskriftin hér að neðan er að brauðstöngum sem eru i miklu uppáhaldi hjá mér þessa dagana. Mér þykir gott að bæta osti ofan á til þess að gera brauðstangirnar meira "djúsí". Sömu uppskrift er hægt að nota til að gera kókoshveiti pizzu en þá er bara sósa og álegg sett á botninn eftir örlitla forbökun.

Uppskriftin miðast við skammt fyrir einn, en hægt er að stækka hana að vild.

20. apríl 2017 : RVKfit: Hörfræolía

Hörfræolía er stútfull af ómega-3 fitusýrum en inniheldur einnig ómega-6 og ómega-9 fitusýrur. Ómega-3 er nauðsynlegt til að smyrja líkamann og sjá til þess að allt virki eins og það á að gera. Ég vel að taka kaldpressaðar olíur eins og hörfræolíu vegna þess að í kaldpressuðum olíum er ekki búið að hreinsa nein næringarefni úr þeim. Lýsi þarf að hreinsa til þess að hægt sé að innbyrða það, en í því ferli tapast mikið af vítamínum úr olíunni. 

3. apríl 2017 : RVKfit: Rebel Kitchen

Hin dásamlega kókosmjólk Rebel Kitchen er mín uppáhalds þessa dagana. Það hefur líklega ekki farið framhjá neinum sem fylgist með Snapchatinu okkar: RVKfit að við erum miklir aðdáendur. Rebel Kitchen er kókosmjólk sem er bæði til með súkkulaði- og kaffibragði en hún er lífræn, hitaeiningasnauð og án hvíts sykurs. Stelpurnar hafa verið að nota hana bæði eintóma, með próteini eða í boozt en ég sjálf nota hana einna helst í chiagraut eða hafragraut en síðan finnst mér hún líka mjög góð bara ein og sér. Um daginn sýndi ég súkkulaðichiagraut á Snapchat og fékk alveg ótrúlega góð viðbrögð og því langar mig til að deila með ykkur uppskrift að þessum frábæra graut, en hann er að mínu mati fullkomin byrjun á deginum.

21. mars 2017 : RVKfit: Kaffi smoothie

Hefur þú prófað kaffi smoothie? Þrátt fyrir að vera lítill kaffiunnandi í daglegu lífi þá er ég orðin húkkt á mjólkurlausu mjólkinni með kaffibragðinu frá Rebel Kitchen. Kaffi mjólkin er í raun lífræn kókosmjólk með kaffibragði, en einnig er hægt að fá hana með súkkulaðibragði. 

13. mars 2017 : RVKfit: Naturfrisk

Hefur þú smakkað lífrænu drykkina frá Naturfrisk?

Naturfrisk er danskt fjölskyldufyrirtæki sem framleiðir gosdrykki úr lífrænum innihaldsefnum.
Drykkirnir eru bæði frískandi og bragðgóðir og henta vel með máltíðum eða einir og sér.

26. febrúar 2017 : RVKfit: Blómkáls taco

Hver sagði að taco gæti ekki verið hollt?
Sem mikill unnandi matargerðar frá Mexíkó þá finnst mér fátt betra en að fá mér taco. Sjálf kýs ég frekar að fá mér "soft-shelled tacos" eða taco með mjúkum skeljum en ég bý skeljarnar til sjálf. Þessar skeljar eru í raun pönnukökur eða tortillur, eins og má finna út í búð, en mér finnst best að búa þær til úr blómkáli. Blómkál er hitaeiningasnautt en inniheldur þrátt fyrir það mikið af steinefnum og vítamínum, svo sem C-vítamín og járn. Af þeim sökum er það afar mettandi. Hér að neðan má sjá uppskrift að blómkálspönnukökum eða blómkáls tortillum.   

Síða 1 af 2