13. júní 2017 : RVKfit: SoulCycle

Heimsins skemmtilegasta líkamsrækt, að mínu mati, er spinning. Það að geta kúplað sig út og hjólað í takt við góða tónlist er eitthvað sem gerir daginn bara svo mikið betri. Það frábæra við spinning er að allir geta stundað það, reyndir sem og óreyndir, alveg sama í hvernig formi maður er. Það er nefnilega þannig að hver og einn vinnur á sínum hraða, á sínum forsendum.
Ég ferðast mikið vegna vinnu og legg það í vana minn að stunda einhverskonar hreyfingu hvert sem ég fer. Síðastliðin tvö ár hefur verið í miklu uppáhaldi hjá mér að fara í spinningtíma í SoulCycle. Ég hef nefnt SoulCycle nokkrum sinnum á snapchattinu okkar, RVKfit, og alltaf fengið margar spurningar um það. Eins hef ég dregið fjöldan allan af samstarfsfólki mínu með í spinningtíma og hafa allir verið jafn hrifnir og ég sjálf. Ég skal segja ykkur aðeins betur frá SoulCycle. 

19. maí 2017 : RVKfit: Uppáhalds æfingafatnaður

Hvað er það sem skiptir þig máli varðandi íþróttafatnað? Fyrir mér skiptir mestu máli að vera í þæginlegum íþróttafatnaði á æfingu, sem mér líður vel í. Það eru nokkur snið sem mér líkar best við en ég á það til að halda mig við sömu sniðin þegar ég kaupi mér ný íþróttaföt. Hér að neðan tek ég saman nokkrar af þeim flíkum sem eru í uppáhaldi þessa dagana. 

10. maí 2017 : RVKfit: Foam Rolling

Hvers vegna er gott að rúlla sig? Við stelpurnar í RVKfit sýnum oft frá því á snappinu þegar við rúllum líkamann með nuddrúllu ýmist fyrir og eftir æfingar, fyrir hlaup og einnig á hvíldardögum. Við erum margoft spurðar hvers vegna við séum að þessu, hvað þetta geri fyrir okkur, hvort það sé nauðsynlegt og hvernig nuddrúllur séu bestar. 

4. maí 2017 : RVKfit: Að ná árangri í líkamsrækt

Hver vill ekki ná hámarks árangri í líkamsrækt? Margir leggja hart að sér að mæta oft á æfingu, púla í góðan tíma en sjá lítinn sem engan árangur. Það eru nefnilega nokkur mikilvæg atriði sem margir virða ekki nógu vel. Eftirfarandi atriði eru afar mikilvæg til þess að ná fram árangri bæði líkamlega og andlega.

13. mars 2017 : RVKfit: Að þvo íþróttafatnað

Hvernig ert þú að þvo þín íþróttaföt? Þegar kemur að íþróttafatnaði þá þarf að gæta að því hvernig þau eru þvegin. Það á sérstakega við um íþróttafatnað sem er gæddur Dri-FIT eiginleikanum. Dri-FIT efnið er viðkvæmt þarfnast sérstakra handbragða þegar kemur að þvotti. 

20. febrúar 2017 : RVKfit: Æfingar í TRX böndum

Hefur þú prófað að gera æfingar í TRX böndum? 

Í flestum líkamsræktarstöðvum má finna TRX bönd en einnig er hægt að kaupa bönd til þess að eiga heima. Æfingar í TRX böndum henta öllum, hvort sem þú ert í góðu eða slæmu formi. Helsti kosturinn við TRX böndin er sá að þú notar þína eigin líkamsþyngd og stjórnar álaginu sjálf/ur með því að aðlaga TRX böndin að þér.

5. febrúar 2017 : Áskorun RVKfit

Hefur þú prófað að gera Pistol Squat? Við stelpurnar í RVKfit erum búnar að vera með áskorun í gangi á Snapchat (rvkfit) sem gengur út á það að skora á aðra snappara að reyna við Pistol Squat. Ef þú hefur ekki prófað þá skorum við hér með á þig að reyna en æfingin er ekki eins erfið og hún lítur út fyrir að vera. Eins og með allt annað þá þarf bara að læra tæknina og æfa sig!

 

rvkfit

9. janúar 2017 : RVKFIT

Halló H Magasín!

RVKFIT er hópur sem samanstendur af 7 stelpum sem allar eiga það sameiginlegt að hafa mikinn áhuga á heilbrigðum lífsstíl og deila því á Snapchat undir nafninu rvkfit. Hér á H Magasín munu tvær úr hópnum deila fræðslu og hugmyndum um holla og góða næringu, æfingar og annað sem tengist heilbrigði og heilsu.

spotify

5. janúar 2017 : Ræktargírinn

Hvernig á ég að koma mér í ræktargírinn er spurning sem ég fæ oft. Við ætlum okkur öll að vera dugleg að mæta á æfingar en oft koma upp aðstæður sem valda því að við sleppum því að fara þann dag. Að vera illa sofinn, bugaður, mikið að gera í vinnu/skóla, vera bíllaus og eiga margt eftir ógert þann dag eða einfaldlega nenna ekki í ræktina eru þessir týpísku hlutir sem flestir kannast við. Eftir langan dag af vinnu eða skóla er frekar erfitt að finna hvatann til þess að drífa sig á æfingu. Við vitum það nefnilega öll að okkur líður svo mikið betur eftir að hafa stundað hreyfingu en oft þurfum við bara að hvetja okkur áfram til þess að komast í stuðið.