Ofureinfalt granola með döðlum, kanil, kókos og vanillu

Indíana Nanna

21. maí 2018

  • A2b926e6-0bce-44df-b6a1-733cf24d6c29

Heimagert, einfalt og ótrúlega gott granola (eða rawnola ef ekki ristað). Þetta er ótrúlega gott eitt og sér til að narta í eða út á smoothie skálar, grauta eða jógúrt.

Ég hef lengi ætlað að prufa að gera granola sjálf heima. Í gær áttum ég og Finnur rólegan dag heima saman og gerðum okkur acai skál og edamame baunir í hádegismat. Ég týndi allt til úr skápunum og byrjaði að búa til rawnola sem er í raun bara hrátt granola, s.s. ekki eldað. Þannig þessa uppskrift er bæði hægt að hafa alveg hráa eða það er hægt að rista blönduna á pönnu og þá verður þetta meira crunchy.

Hlutföllin í uppskriftini eru sirka rétt en ég var ekki að mæla neitt sem ég setti í blönduna. Það er mikið hægt að prufa sig áfram með þessa uppskrift.

D5fdc117-c966-4d1a-9266-72200ddfbe7a

Uppskrift

  • 1 bolli hnetur. Ég átti til kasjú- og pekanhnetur og notaði þær. Það er hægt að kaupa risapoka af muldum kasjúhnetum í Krónunni á mjög góðu verði.
  • 1 bolli kókosmjöl frá Himneskri Hollustu.
  • 1 bolli hafrar.
  • 1/2 bolli kakónibbur frá Himneskri Hollustu.
  • Kanill eftir smekk.

Allt sett í matvinnsluvél í stutta stund og síðan fært yfir í skál.

  • Sirka 8 ferskar og djúsí döðlur (eru nánast eins og karamella).
  • Smá plöntumjólk (ég átti til kókosmjólk en hægt að nota vatn líka).
  • Smá hlynsíróp frá Good Good Brand.
  • Vanilludropar.

Sett í matvinnsluvélina og blandað saman þar til orðið að gumsi. Síðan er þessu bætt saman við hnetublönduna í skálinni og öllu hrært saman. Passaðu bara að þetta verði ekki of blautt, byrjaðu á að setja minna af gumsinu en meira og sjáðu hvað þú þarft mikið. Ef þú vilt hafa þetta hrátt (rawnola) þá er þessu bara skóflað t.d. í fallega krukku eða box en ef þú vilt fá crunch þá er þetta fært yfir á meðalheita pönnu og ristað þar til orðið fallega gullinbrúnt. Gott að leyfa því að kólna síðan á disk áður en það er sett í krukku/box, þá fær það meira crunch.

A2b926e6-0bce-44df-b6a1-733cf24d6c29

Ég er dugleg að deila uppskriftum og æfingum á Instagram ef þú hefur áhuga á að fylgjast með mér þar: indianajohanns

Indíana Nanna