Frönsk súkkulaðikaka Ebbu Guðnýjar með döðlum

3. janúar 2017

  • Frönsk súkkulaðikaka

Himnesk frönsk súkkulaðikaka frá Ebbu Guðnýju. Hér höfum við hollari útgáfu af hinni klassísku frönsku súkkulaðiköku sem við þekkjum flest. Í stað þess að notast við sykur og hvítt hveiti eru notaðar döðlur og spelt hveiti. Njótið!

Innihald:

200 g dökkt súkkulaði
180 g kaldpressuð kókosolía
130 g döðlur
25 g fínt spelt
2 msk vatn
4 hamingjusöm egg
½ tsk vanilluduft
½ tsk sjávarsalt

Aðferð:

Hitið ofninn í 190°C. Brjótið súkkulaðið í sæmilega stóran pott, bætið kókosolíunni út í og setjið á miðlungshita. Skerið döðlurnar gróft og bætið í pottinn ásamt vatninu. Velgið þetta varlega saman í um 4-5 mínútur. Hrærið á meðan og gætið vel að hitanum. Maukið þetta allt saman með töfrasprota eða í blandara (sjálf geri ég það alltaf ofan í pottinum með töfrasprota). Setjið í skál og kælið aðeins. Hrærið næst eggin saman með kókoshveitinu, vanillu og sjávarsalti. Blandið að lokum öllu varlega saman, setjið í 22 cm smelluform og bakið í um 18 mínútur. Það er betra að baka kökuna minna en meira.

Fronk Sukkuladikaka

Höfundur: Ebba Guðný