Gulrótarkaka Maríu Kristu

29. apríl 2019

  • Gulrotarkaka-mondlumjol

ún María Krista er matgæðingur mikill sem heldur úti instagramminu Kristaketo og er  eigandi verslunarinnar Systur og makar. Hún hefur náð frábærum árangri á bæði Ketó og LKL mataræðinu. Hér deilir hún með okkur ljúffengri gulrótarköku úr úrvals hráefnum.

Já þessi er ótrúlega góð og krydduð og minnir algjörlega á gulrótarköku en þó inniheldur hún ekki gulrætur enda eru þær háar í kolvetnum sem við viljum forðast. Þessi er krydduð og dásamleg með djúsí rjómaostakremi og í hana nota ég möndlumjöl frá NOW sem kom ótrúlega vel út. Macadamiuhneturnar frá NOW eru geggjaðar í þessa og gefa gott bit. Kryddin sem ég notaði eru frá Kryddhúsinu og ég hreinlega elska þau. Rjómaostasmjörkremið er svo alveg nauðsynlegt á svona skvísutertu en þessi uppskrift miðast við einfaldan botn og krem en ég tvöfaldaði allt til að gera tveggja hæða tertu. Það var þó aðallega gert fyrir fallega mynd. Einföld uppskrift dugar alveg enda saðsöm og góð kaka.

Mondlumjol-og-makadamian-hnetur

Möndlumjölið og Macadamiuhneturnar fást í H Verslun.

Innihaldið:

· 100 g kúrbítur með hýðinu

· 60 g Macadamiuhnetur frá NOW

· 2 egg

· 2 msk kókosolía mjúk frá Himneskri hollustu

· 1 tsk kardemommudropar

· 100 ml möndlumjólk ósæt frá Isola

· 180 g möndlumjöl frá NOW

· 120 g sæta frá Good good, Sweet like sugar

· 1 tsk vínsteinslyftiduft

· 1/2 tsk gróft salt

· 2 tsk kanill Himnesk hollusta

· 1/2 tsk engifer duft eða maukaður í krukku

· 1/2 tsk matarsódi

· 1/4 tsk negull

· 1 tsk sítrónusafi

AÐFERÐ:

· Ég notaði Thermomix til að blanda þessu öllu saman, ég byrjaði á að mauka kúrbítinn í 10 sek/hraði 6, setti svo hneturnar saman við og maukaði 10 sek/ hraði 6.

· Blandaði næst öllum hráefnum saman við kökuna og hrærði rólega í 2 mín á hraða 4.

· Það má að sjálfsögðu nota annarskonar blandara eða rífa niður kúrbítinn með rifjárni og saxa hneturnar, Thermovélin er bara svo öflug að hún tók allt deigið í einu lagi, meira að segja tvöfalda uppskrift.

· Bakið í spreyjuðu formi eða silikonformi í 30 mín á 170° hita. Ef þið tvöfaldið uppskrift þá notið þið tvö form.

KREM:

· 200 g rjómaostur

· 200 g smjör

· 100 g sæta frá Good good, Sweet like sugar (fínmalið)

· 1 msk sítrónusafi

· 2 tsk vanilludropa

AÐFERÐ:

· Fínmalið sætuna í blandara svo hún líkist flórsykri.

· Blandið saman smjöri við stofuhita og rjómaosti, bætið sætunni við, sítrónusafa og vanilludropum og þeytið. Gott að nota K-spaða í hrærivél ef þið eigið.

· Ef krem skilur sig þá er það annaðhvort of heitt eða kalt. Ef það kurlast upp og nær ekki að blandast saman þá er hægt að fara með hárblásara á skálina og mýkja upp. Ef það er á floti og smjörið orðið fljótandi þá má setja ískalt blautt viskastykki utan um að kæla skálina niður á meðan hún þeytir. Það er alltaf hægt að bjarga smjörkremi.

· Skreytið kælda kökuna með kreminu og fyrir þá sem vilja þá er hægt að lita hluta af smjörkreminu með grænu og appelsínu lit og sprauta gulrótum á kökuna eða búa til marsipan sem er í uppskrift hér
https://mariakrista.com/marsipan-fra-grunni/

Gulrotarkaka2

Gulrotarkaka-mondlumjolMaria-krista

María Krista
Instagram: kristaketo