Heimalöguð chia sulta með jarðaberjum

25. janúar 2019

Heil og sæl! Nú er loksins, loksins komið að Heilsu og Lífstílsdögum í Nettó en þeir eru frá 24. janúar til 6 febrúar. Sjálf hef ég alltaf dýrkað Heilsudaga og ég geri mér alltaf ferð í næstu Nettó og geri góð kaup. Að þessu sinni var ég svo heppin að fá að skrifa færslu og deila tveimur uppskriftum í samstarfi við Himneska Hollustu með lesendum í heilsublaðinu. Heilsublaðið kemur alltaf út á Heilsudögum Nettó og það eru ótrúlega margar góðar uppskriftir, fróðleikur og frábærar færslur í blaðinu. Ég mæli með að sækja ykkur eintak í næstu Nettó búð en sjálf geymi ég öll eintök af heilsublaðinu og glögga í uppskriftir og fróðleik af og til. Það er líka hægt að nálgast heilsublaðið inn á heimasíðu Nettó. Ég deildi uppskrift af mínum uppáhalds chia graut með kókos sem ég hef áður deilt hér á H Magasín með ykkur en ég deili líka glænýrri uppskrift af heimalagaðri chia sultu með jarðaberjum. Þessi sulta er tilvalin út á chia grautinn, þvílíkt combo! 

Innihald

  • 400 grömm frosin jarðaber
  • ½ dl vatn
  • 3 msk chia fræ frá Himneskri Hollustu
  • 3 msk döðlusykur frá Himneskri Hollustu
  • 1 msk sítrónusafi

 Netto-Heilsudagar-Chia-grautur-1-

Aðferð:

Setjið jarðberin í pott ásamt ½ dl af vatni og leyfið því að malla saman í sirka 10 mínútur á miðlungshita. Stappið berin svo niður í mauk og lækkið hitann. 

Næst skal bæta við sítrónusafanum, döðlusykrinum og chia fræjunum. Hrærið öllu vel saman.

Leyfið því næst sultunni að kólna í 20 mínútur. Verið dugleg að smakka hana til og bætið við döðlusykri eða jafnvel hunangi ef sultan er of súr.

Þegar þið eruð sátt við sultuna, setjið hana í krukku. Geymið inn í ísskáp í allt að 10-14 daga. Passið að loka krukkunni vel og ekki fara með skítuga skeið ofan í sultuna. 

Þið getið sett sultuna út á grautinn, jógúrtið, brauðið eða jafnvel borðað hana með osti og góðu kexi! 

Ef þið viljið fylgjast betur með mér getið þið fylgt mér á Instagram

Þangað til næst, verið heil og sæl og skemmtið ykkur á Heilsudögum!

 

 Höfundur: Asta Eats