RVKfit: Hörfræolía

20. apríl 2017

Hörfræolía er stútfull af ómega-3 fitusýrum en inniheldur einnig ómega-6 og ómega-9 fitusýrur. Ómega-3 er nauðsynlegt til að smyrja líkamann og sjá til þess að allt virki eins og það á að gera. Ég vel að taka kaldpressaðar olíur eins og hörfræolíu vegna þess að í kaldpressuðum olíum er ekki búið að hreinsa nein næringarefni úr þeim. Lýsi þarf að hreinsa til þess að hægt sé að innbyrða það, en í því ferli tapast mikið af vítamínum úr olíunni. 

Að mínu mati er nauðsynlegt að taka inn einhverskonar olíu til þess að ýta undir heilbrigði líkamans.

Ég byrja alla morgna á því að fá mér 1-2 msk af hörfræolíu og drekka svo stórt vatnsglas beint á eftir. Olíunni er þó einnig hægt að bæta út í morgungrautinn, morgunhristinginn eða jafnvel safa. 

Að mínu mati er nauðsynlegt að taka inn einhverskonar olíu til þess að ýta undir heilbrigði líkamans. Fyrir mig er þetta sérstaklega mikilvægt þar sem ég er með þurra húð og olían hjálpar til við að viðhalda heilbrigði húðar og hárs. Olían nærir einnig stoð-, tauga- og hormónakerfið okkar og getur haft bólgueyðandi áhrif. 

Ávinningar hörfræolíu:

  • Hefur góð áhrif á stoð-, tauga-, og hormónakerfi
  • Hefur góð áhrif á húð og hár
  • Er góð fyrir meltingu
  • Er bólgueyðandi 
  • Er talin hafa góð áhrif á kvíða og þunglyndi 
  • Er talin geta hjálpað til við þyngartap

 *Hörfræolíu er mikilvægt að geyma í kæli til þess að hún þráni ekki

Höfundur: Jórunn Ósk RVKfit

Facebook: RVKfit

Instagram: Jórunn Ósk