Skjaldkirtillinn - Ásdís Grasalæknir

Þreytt á að vera þreytt?

11. mars 2019

Heilsa er okkur öllum mikilvæg. Undanfarin ár hafa skjaldkirtilssjúkdómar verið að aukast og þá aðallega vanvirkni í skjaldkirtli en konur greinast í mun meiri mæli en karlar. Skjaldkirtillinn er afar mikilvægt líffæri og hann framleiðir skjaldkirtilshormón sem við þurfum fyrir almennan þroska og vöxt, starfssemi taugakerfis, frjósemi og öll efnaskipti líkamans t.a.m. Vanvirkur og eða ofvirkur skjaldkirtill eru algengir sjúkdómar sem stafa vegna ójafnvægis á skjaldkirtilsstarfssemi og geta haft miklar afleiðingar á heilsu okkar og þessir sjúkdómar herja á fjölda fólks um allann heim. 

Það eru ýmsir þættir í lífsstíl okkar og umhverfi sem geta haft mikil áhrif á starfssemi skjaldkirtilsins og eru talin geta raskað jafnvægi hans til þess að starfa eðlilega s.s. streita og álag, eiturefni í fæðu og umhverfi t.d. skordýraeitur og þungamálmar, skortur á mikilvægum næringarefnum, o.s.frv.

Einkenni sem gefa til kynna að um vanvirkni í skjaldkirtli sé að ræða eru t.d. þreyta, slen og orkuleysi, hárlos, hægðatregða, þurr húð, vökvasöfnun, hæg efnaskipti og kulvísi svo eitthvað sé nefnt. Mikilvægt er að láta mæla skjaldkirtilshormón í blóði og fá rétta greiningu og viðeigandi meðferð til að koma skjaldkirtli aftur í jafnvægi og eðlilegt ástand. Mataræði og lífsvenjur okkar hafa áhrif á alla líffærastarfssemi og eru mikilvægir grunnþættir sem skipta sköpum í að stuðla að bættu jafnvægi skjaldkirtils þó vissulega sé í mörgum tilfellum þörf á meðhöndla skjaldkirtilssjúkdóma með lyfjum. Mikilvægt er að reyna finna orsakaþætti sem raska starfssemi skjaldkirtilsins og vinna með undirliggjandi þætti og vinna að því að hámarka starfssemi skjaldkirtils í gegnum nærandi mataræði og heilbrigðar lífsvenjur s.s bættum svefni, reglulegri hreyfingu og minni streitu. Næringarefni sem eru mikilvæg fyrir starfssemi skjaldkirtilsins eru t.a.m. góð alhliða fjölvítamín/steinefna blanda fyrir konur, omega 3 fitusýrur, D vítamín, sínk, selen og B12 ásamt öðrum næringarefnum.

Miðvikudaginn 20.mars mun Ásdís grasalæknir vera með námskeið þar sem hún fjallar um skjaldkirtilinn og virkni hans. Þar verður m.a farið yfir;

• Mikilvægi skjaldkirtils fyrir almenna heilsu og vellíðan
• Vanvirkur vs. ofvikur skjaldkirtill og helstu einkenni/orsakir
• Notkun næringar- og náttúruefna fyrir skjaldkirtilinn
• Lækningajurtir - notkun og áhrif þeirra fyrir skjaldkirtil
• Áhrif streitu, hreyfingar og umhverfis á skjaldkirtil

Hægt er að nálgast miða á miða.is