25 ára íslenskur fatahönnuður með línu á Cophenhagen Fashion Week

8. ágúst 2017

  • Maisvanhvit_2017-07-1503882

Hönnun sem sækir innblástur frá norrænum heimi og þá aðallega frá Íslandi og Danmörku. Copenhagen Fashion Week fer fram í Kaupmannahöfn í Danmörku dagana 8.-12. ágúst. Svanhvít Þóra Sigurðardóttir er 25 ára gömul, útskriftuð úr fatahönnun og stofnaði sitt eigið fatamerki árið 2016. Þrjú fyrirtæki voru valin til að taka þátt í tískusýningu fyrir upprennandi fatamerki í Danmörku, MAI SVANHVIT var á meðal þeirra fyrirtækja en þetta er stór áfangi fyrir Svanhvíti og meðeiganda hennar Maiken Bille, en þau voru saman í náminu.

Segðu okkur aðeins frá þér og því sem þú ert að gera?

Ég heiti Svanhvít Þóra og er 25 ára gömul. Ég útskrifaðist úr fatahönnun frá Via Design og KEA í Danmörku 2016. Ég hef búið í Danmörku síðan ég var 3 ára gömul, en hef búið eitthvað á Íslandi inn á milli. Ég bý í Vesterbro í Kaupmannahöfn og kann mjög vel við mig hér. Ég stofnaði Mai Svanhvít árið 2016 ásamt Maiken Bille sem var með mér í Via design. Það er mikil vinna sem tengist því að stofna eigið fyrirtæki og samkeppnin er mikil í þessum bransa.

Svanhvit-H-Magasin-2

Svanhvit-H-Magasin

Svanhvit-H-Magasin-1

Hvenær fékkst þú fyrst áhuga á fatahönnun?

Áhuginn á fatahönnun byrjaði frekar snemma hjá mér. Ég man eftir því að þegar ég var u.þ.b 14 ára gömul var ég alltaf að teikna föt. Síðan jókst áhuginn bara eftir að ég byrjaði að vinna í fatabúðum og ég tók fatahönnun sem áfanga í menntaskóla. 

Hvernig er hefðbundinn dagur í þínu lífi?

Dagarnir mínir eru mjög fjölbreyttir og fer allt eftir því hvar við erum í ferli á framleiðslu fatalínunnar. Akkúrat núna erum við á fullu að undirbúa sýningu fyrir Copenhagen Fashion Week og þá erum við meðal annars að finna tónlist, fyrirsætur og outfit fyrir hverja og eina. Annars höfum við mikið samband við saumakonuna okkar, efnastofurnar og allt í kringum vefsíðuna okkar. Það er ekki bara verið að teikna föt allan daginn og það er gott að vinnudaginn sé svona fjölbreyttur.

Maisvanvit_2017-01-28_3766

Þú varst starfsnemi hjá Ganni og Designers Remix, hvernig var sú reynsla?

Já, það var mjög spennandi ferli. Það er mikilvægt að hafa reynslu frá fyrirtæki sem er að gera góða hluti í fatabransanum, Ganni og Designers Remix eru meðal stærstu fatamerkja í Danmörku. Þannig að ég er mjög ánægð með að hafa reynslu frá þeim. Sérstaklega að hafa reynslu frá tveimur mismunandi fyrirtækjum til að sjá muninn á því hvað þau gera til þess að ná árangri. Ég get notað þessa reynslu í ferlinu mínu með MAI SVANHVIT.

Maisvanvit_2017-01-28_3677

Maisvanvit_2017-01-28_3150

Segðu okkur aðeins frá merkinu þínu, MAI SVANHVIT:

MAI SVANHVIT er fatamerki fyrir konur sem leggur áherslu á gæði og hönnun. Við fáum innblástur frá norrænum heimi og þá aðallega frá Íslandi og Danmörku. Silki og ull eru mest notuðu efnin okkar.

Er hægt að versla föt úr línunni þinni einhverstaðar?

Já, það er hægt að versla úr fyrstu línunni okkar inn á vefsíðunni okkar.

MAI+svanhvit0585

MAI+svanhvit0558

MAI+svanhvit0532

MAI+svanhvit0306

MAI+svanhvit0363

MAI+svanhvit0619

Hannar þú fötin sjálf?

Ég og Maiken hönnum öll fötin sjálf.

Saumar þú fötin sjálf?

Nei, við erum með saumastofu í Póllandi sem saumar allt fyrir okkur. 

MAI+svanhvit0390MAI+svanhvit0729

MAI+svanhvit0428MAI+svanhvit0487

Uppáhalds fatabúð/búðir?

Another Nué, Storm, Stylepaste sem eru allar fínar fatabúðir í Danmörku með mismunandi merkjum. Síðan er ég mjög hrifin af Zöru, Cos og Acne Studios.

Hannar þú mikið föt á þig sjálfa?

Já, það er mikilvægt fyrir okkur að við hönnum föt sem við sjálfar viljum klæðast.

Þú tekur þátt í Copenhagen Fashion Week, hvað ert þú að fara að gera þar?

Við vorum valin til að taka þátt í tískusýningu sem er fyrir upcoming brands í Danmörku. Það er frekar stórt að vera valin í þetta en það voru bara 3 fyrirtæki valin og bara eitt sem er fatamerki fyrir konur. Síðan verðum við líka með pop-up shop þar sem verður hægt að kaupa SS18 línuna okkar.

Maisvanhvit_2017-07-1502717

Maisvanhvit_2017-07-1502944

Maisvanhvit_2017-07-1503882

Maisvanhvit_2017-07-1502783

Hvar sérðu þig eftir 5 ár?

Vonandi gengur vel með MAI SVANHVIT og ég verð enn að vinna sem fatahönnuður að hanna mitt eigið merki. Það sem mér finnst mikilvægast í lífinu er að ég sé ánægð með það sem ég er að gera.

Facebook síða MAI SVANHVIT: @maisvanhvit

Vefsíða og vefverslun